Jeg er Zlatan .- Zlatan Ibrahimovic og David Lagercrantz

”Jeg er Zlatan”

Forfattar: Zlatan Ibrahimovic (Fortalt til David Lagercrantz)

Sjanger: Sjølvbiografi (Zlatan)

Forlag: Font Forlag, utgjeven i 2011

Sider: 377

Handlingsreferat:

Boka handlar om Zlatan Ibrahimovic, og om korleis han har hatt det gjennom livet fram til i dag. Då han var liten flytta han mykje saman med dei fattige foreldra frå Bosnia og Kroatia, og faren hadde alkoholproblem. Da foreldra skilde seg og Zlatan valte å bu med faren, blei det veldig vanskeleg for Zlatan heime med faren som framleis drakk mykje. Zlatan begynte å stele og drikke sjølv, og dette førte til at han blei mykje meir aggressiv. Etter å vart teken i å stele, men likevel hindra faren i å sjå brevet, begynte Zlatan å fokusere meir på fotballen, og han slutta og stele og drikke. Nå gjekk det for det meste berre oppover for Zlatan og han fortel vidare korleis det var i begynninga av karriera som profesjonell fotballspelar, og korleis han blei betre i fotball og korleis livet hans er no med alle pengane og ryet. Zlatan fortel ærleg om livet hans alt frå den vanskelege barndommen til å bli profesjonell fotballspelar.

Personar: Zlatan Ibrahimovic, halvt bosnisk og halvt kroa som vaks opp i Malmö, Sverige. Han er ein profesjonell fotballspelar med ein tøff oppvekst, så han har ein litt aggressiv personlegdom og eit litt for stort ego. Han seier sjølv at han får kick av å køyre fort, han har ei eiga samling av sjeldne bilar. Han har hatt mange opp- og nedturar gjennom livet, men er no ein av dei beste spelarane i vera.

Mi meining: Eg synest dette er ei kjempegod bok, fordi det handlar om ein gut som har vakse opp i ein innvandrargetto i lag med sine fattige foreldre. Det er lett å setje seg inn i boka og du blir verkelig oppslukt av boka. Sjølv om det handlar om ein fotballspelar, treng du ikkje vere fotballinteressert i det heile tatt for å like boka. Du lærer også mykje om kva slags val du ber ta for å komme langt hvis du vil blir fotballspelar, og eg fikk nokon gode tips frå boka.

Anbefaling: Eg anbefaler denne boka til alle, men spesielt gutar mellom 14-18 år som kanskje er litt interessert i fotball, fordi det er ein veldig tøff historie om korleis han klarte seg frå den vanskelege barndommen til kor han er i dag. Eg trur mange kan få inspirasjon frå denne boka, samtidig som det er ei fantastisk bok du verkelig blir oppslukt i. Eg trur også nesten alle vaksne vil lika den fordi det er ei sterk historie om livet til ein gut som gjekk frå ingenting til alt.

Eg gir boka terningkast 6.

Jostein