Svarte-Mathilda - Tor Arve Røssland

SVARTE MATHILDA

Boka heiter Svarte Mathilda og er skriven av Tor Arve Røssland. Ho er på 150 sider og er ein grøssar for ungdommar.

Ei ung jente blir funnen knivdrepen i heimen sin. Mordet blir aldri oppklart. Leilegheita som var åstaden for mordet, står tom i 20 år.

Boka handlar om Elisabeth som flyttar inn i leilegheita der den unge Marie Von Viel vart drepen for over 20 år sidan.  Det tek ikkje lange tida før ho ser ting mora ikkje ser, og høyrer kviskring mora ikkje høyrer. Elisabeth begynner å grave i historia om drapet, med hjelp av den nye klassekameraten Phillip og bibliotekaren Viggo.  Dei les om den fæle legenda om Svarte-Mathilda som gøymer seg i ein spegel, og som kjem dersom du kallar på henne. Phillip trur ikkje på historia, og han overtaler Elisabeth til å prøve det ut.

Når dei byrjar å skjønne kva som skjedde med stakkars Marie, skjer det fæle ting. Elisabeth blir skada, Phillip blir borte, og ho må til slutt setje ein stoppar for det ho nå har vekt.

Elisabeth er ein fjorten år gamal jente som i boka flyttar inn i ei heimsøkt leilegheit med mora. Bror hennar døydde for nokre år sidan og ho tenkjer mykje på han. Ho er sårbar og redd i starten, men jo lenger ut i boka du kjem, jo sterkare og tøffare blir ho.

Vi får ikkje vite så mykje om mora i boka, bortsett frå at ho meiner Elisabeth bør dra til ein psykolog. Ho legg ikkje merke til kva som skjer i leilegheita eller med Elisabeth og lever som om ingenting er galt.

Phillip og Viggo er to vennar av Elisabeth. Phillip er ein klassekamerat, medan Viggo er ein gut dei møtte på biblioteket då dei skulle finne svaret på gåta om Marie Von Viel og Svarte-Mathilda.

Vi får for det meste sjå tilbakeblikk til då Marie levde og det ho opplevde i leilegheita. Nokon stader i boka kan vi lese om Marie som eit spøkelse som prøver å hjelpe Elisabeth å forstå.

Eg likte boka svært godt, og kunne ikkje leggje den frå meg i starten. Det er ein spennande og litt skummel ungdomsroman som passar for både gutar og jenter frå 13-årsalderen.

JULIE